Шампионот МЗТ Скопје А. без проблеми стигна до уште една нова победа во домашниот шампионат, откако вечерва во СЦ „Јане Сандански“ славеше над Кожув со 87-67.
Иако без својот прв тренер Николиќ кој е болен, МЗТ Скопје А. немаше проблеми со гостите од Гевгелија. Најнеизвесно се чини беше во првиот период кој МЗТ Скопје А. го доби со 18:17, по што следуваше убедливо издание на шампионот во вториот период за +10 на полувреме.
Во вториот дел домашните ја зголемуваа предноста во третата четвртина, а потоа во завршните 10 минути дозволија Кожув малку да ја спушти негативата. Робев со 14 поени беше најефикасен кај домашните, додека Братож постигна 16 поени за Кожув.
