Македонската женска ракометна репрезентација има голема шанса да биде дел од уште едно големо натпреварување. Селекторот, Љубомир Савевски и неговите избранички од вчера ги почнаа подготовките за бараж двомечот против Украина кој носи место на Светското првенство 2023 година.
Првата средба се игра во Скопје во СЦ „Борис Трајковски“ на 8. април (19 часот), РФМ одлучи влезот да биде слободен. На нашите девојки им треба максимална поддршка за да направат голем чекор кон Мундијалот.
Реваншот со Украина се игра за три дена во унгарскиот град Кишварда.
Македонија од денеска треба да биде комплетна, последна во стројот се приклучи Сара Ристовска.
