Барселона ќе треба да направи неколку големи продажби на свои фудбалери ова лето за да ја подобри финансиската состојба. Според шпанските медиуми клубот треба да стави во каса сума од околу 200 милиони евра, за да смета дека ситуацијата на финансиски план ќе се стабилизира.
Раководството на Барса подготви акционен план за следниот преоден рок и идентификуваше неколку играчи кои во никој случај нема да бидат продадени. Тоа се дефанзивецот Роналд Араухо, како и играчите од средниот ред Педри и Френки де Јонг. Најверојатно на трансфер листата нема да одат ниту голманот Марк-Андре тер Штеген, Гави, Алекс Балде, Жил Кунде, Рафиња и Роберт Левандовски.
Чави, сепак, ќе мора да се откаже од некои од фудбалерите чии плати се превисоки. Кој се ќе се најде на трансфер листата засега е неизвесно.
