Репрезентацијата на Израел веќе извесно време игра без Еран Захави (35) кој е вистинска легенда на израелскиот фудбал. Најдобриот стрелец во историјата на селекцијата (33 гола) не беше повикан ниту во март за првите квалификациски натпревари на неговата репрезентација за ЕП 2024, а „Л’Екип“ ја откри неверојатната приказна зад оваа одлука.
На почетокот од квалификациите Израелците ремизираа со Косово (1:1), а потоа беа поразени од Швајцарија (3:0), а на многумина не им беше јасно зошто Захави го нема во тимот. „Л’Екип“ пишува дека напаѓачот на Макаби барал да биде сам во соба на секој собир, услуга што ја добивал во последните години.
Но, селекторот Алон Хазан реши да му ја ускрати таа привилегија на крајот на минатата година. Захави пред неколку недели зборуваше за можно враќање и побара да му дозволат да остане сам на денот на натпреварот, но селекторот одби, по што тешко е за верување дека Захави ќе се врати во националниот тим. Пред продолжувањето на евроквалификациите во јуни, селекторот е под голем притисок да го врати Захави во тимот.
