Украина денеска во Скопје гостува против нашата ракометна репрезентација во првата од двете битки на патот до Светското првенство. Украинките исто како и ние, во овие два меча ја гледаат шансата за нов настап на Мундијалот. Средниот бек на украинската репрезентација, Тамара Смбатијан, пред денешниот дуел за украинските медиуми изјави:
„Секако, има возбуда пред натпреварот. Сите сонуваме да стигнеме до Светското првенство и едвај чекаме да излеземе на теренот за да го претвориме тој сон во реалност. Сакаме да докажеме дека заслужуваме да одиме на Светското првенство, но знаеме дека ќе биде многу тешко“, вели ракометарката на Алба Фехервар.
За квалитетот на Македонија и фаворитската улога на Украина, Смбатјан дополнува:
„Не ја потценувајте репрезентацијата на Македонија. Кога играат дома видовме дека секогаш се борат до крај. Затоа, натпреварот ќе биде многу тежок за нас“.
