Борбено, агресивно, тензично, голема битка на две екипи на кои им беше неопходна победата и тие три бода. Но, и Скопје и Струга ТЛ мора да се задоволат само со по бод, иако лидерот имаше водство се до 88.минута, но тогаш Мусионга израмни на 1:1. Треба да се каже дека Ибраими иако постигна убав гол, имаше и две супер шанси, ја погоди и стативата, но и Скопје имаше свои шанси.
Имаше и инцидент, така е тоа во жарот на борбата, беше “жешко“ на Автокоманда, и што е најинтересно се играше фер и спортски со желба на двете екипи за победа. Паднаа во “вода“ сите “озборувања“ за било што или нешто.
