Така е тоа кога не се почитуваат договорите на кои си се потпишал. Па така ФИФА одлучи за спорот меѓу Лидс и Жан – Кевин Аугустин, клубот од Премиерлигата да му исплати на францускиот интернационалец дури 28 милиони евра, иако тој за Лидс одигра само 48 минути од 2020 година па наваму.
Ова е најлесна заработувачка на еден фудбалер во историјата на фудбалот.
Сепак плаќањето нема да се изврши се додека за ова не реши и ЦАС (Судот за спортска арнитража).
Целиот спор настана за време на ковид – кризата меѓу Лидс, Лајпциг од каде Аугустин дојде како позајмен играч и самиот фудбалер.
Во договорот стоеше дека Лидс ќе мора да му плати на Лајпциг 18 милиони евра ако клубтот влезе во Премиерлигата и ќе мора да го задржи. Тоа на Лидс му успеа, германскиот клуб си ги доби парите откако дојде до судење, а потоа и самиот играч си побара своите права.
Имено сега Лидс ќе мора да му ги исплати сите плати, сумата изнесува 80.000 фунти седмично, од договорот.
