Три гола на првите полувремиња од сите пет средби од ова 27.коло во ПМФЛ.
Во Струга гостите од Прилеп поведоа со гол во 19.минута, но по низа пропуштени шанси Бојку во 42.минута израмни. Во последните секунди Ибраими од пенал му носи водство на својот тим. Со тој резултат од 2:1 се замина на пауза.
Шкендија со голот на Милев во 40.минута на пауза замина со 1:0 против Тиквеш.
Нема голови во Ѓорче и во Кратово, исто нема голови во Велес каде играат Работнички и Скопје еден борвен натпревар.
Прво Мазари во 8.минута ја погоди стативата на Скопје, за да во 40.минута Работнички имаше две шанси во еден напад и тоа преку Рушевиќ и Шаркоски. Првиот удар голманот на гостите Ефремов го одбрани, за да Шаркоски потоа шутираше над голот на „пиратите“.
