Во рамките на 29 коло на шпанската Ла Лига, Реал Мадрид со многу мака славеше победа на гостувањето кај Кадиз. На крајот резултатот беше 0:2 за кралскиот клуб два брзи гола во второто полувреме.
Во првото полувреме Кадиз имаше шанса за водство но Еспино ја погоди стативата, а потоа Гил му одбрани удар на Асенсио, а потоа и на Бензема.
Гил во 50 минута повторно беше јунак и му спечи удар на Родриго, а одбраната на Кадиз падна во 72 минута. Начо Фернандез прими топка на околу 25 метри и испрати супер шут по што го совлада голманот (ГОЛОТ НА НАЧО ПОГЛЕДНЕТЕ ГО ОВДЕ). Четири минути подоцна мечот беше решен. Асенсио погоди и го постави конечниот резултат (ГОЛОТ НА АСЕНСИО ПОГЛЕДНЕТЕ ГО ОВДЕ).
Реал останува втор со 62 бода, 10 помалку од лидерот Барселона но и меч повеќе.
Во идното коло Реал ќе игра со Селта, додека Кадиз, кој е на 15. место, ќе игра со Еспањол.
