Ракометарите на Рајн Некар Ловен се новите освојувачи на ракометниот Куп на Германија. Во спектакуларно финале во преполната „Ланксес Арена“ во Келн Рајн Некар го совладаа Магдебург по продолженијата со 36:34.
Регуларниот дел од мечот заврши со резултат 27:27, а по продолженијата Рајн Некар беше з анијанса посреќен. Магдебург има за што да жали. На 11 секунди до крајот на регуларниот дел Магдебург промаши седмерец кој можеше да му го донесе трофејот.
Лидер во победничкиот тим на РН Ловен беше Уве Генсхајмер со осум гола, а Јури Нор додаде шест. На голот Жоел Бирлем забележа десет одбрани.
