Борусија Дортмунд не го искористи киксот на Баерн кој одигра само 1:1 со Хофенхајм. Имаше шанса да победи кај Штутгарт на гости, но во драматичен финиш противникот израмни во 97. минута.
„Има причина зошто само еден тим беше шампион на Германија во последните десет години, а ние не го направивме тоа. Против Штутгарт повторно покажавме како можеме да ја урнеме целата напорна работа што ја направивме во последните неколку месеци, сета пот што ја пролеавме за да дојдеме до оваа позиција“, изјави тренерот на Борусија, Един Терзиќ по натпреварот.
Борусија одамна не е во подобра позиција да ја освои шампионската титула во Германија. Трката за титулата во лигата се уште е отворена, а Баерн има само два бода предност во односн на Борусија.
