Лионел Меси речиси сигурно ќе го напушти ПСЖ на крајот на оваа сезона бидејќи ја одби можноста да го продолжи договорот со овој клуб. Сите се надеваат дека Аргентинецот ќе се врати во Барселона и таму ќе ја заврши кариерата, а еуфоријата меѓу навивачите на каталонскиот клуб вчера ја зголеми и претседателот, Жоан Лапорта.
Фановите прашаа дали Меси ќе се врати во клубот, а одговорот на првиот човек на каталонскиот гигант стана главна тема на социјалните мрежи.
Сето ова се случи на стадионот Гетафе пред вчерашниот натпревар од Ла Лига кога Лапорта беше главна ѕвезда на трибините, а многу навивачи на Барса сакаа да се фотографираат со него.
Еден од навивачите го праша Лапорта што се случува со Меси и дали ќе се врати во клубот, а претседателот на Барселона кратко одговорил „да“ и му намигнал на навивачот, а видеото стана хит на интернет.
❗️A fan: “Messi to Barça.”
🚨🗣️ Joan Laporta: “Yes. 😉”
— All About Argentina 🛎🇦🇷 (@AlbicelesteTalk) April 16, 2023
Меси ќе донесе одлука за продолжување на кариерата на крајот од оваа сезона, а претходно не сака да се зборува на оваа тема. Покрај Барселона, на маса има и богата понуда од Саудиска Арабија, како и понуда од американската МЛС.
