Барселона во неделата одигра само 0-0 во мадридското предградие со Гетафе, а тоа беше второ реми без голови за Каталонците во Ла Лига во последно време.
Барселона е во резултатска криза, но за нивна среќа и понатаму има 11 бода повеќе од Реал Мадрид. Избраниците на Чави Хернандез повторно разочараа, тренерот како причина за лошиот настап и неостварената победа ги наведе сонцето и времето во кое се играше мечот.
„Навикнати сме да играме без сонце и навикнати да играме ноќе. Тоа е уште еден доказ. Тренираме на таков начин што ќе играме на сува трева“, изјави Чави по мечот.
Тренерот на Реал Мадрид, Карло Анчелоти за време на прес-конференцијата по повод реванш мечот од четвртфиналето на Лигата на шампионите против Челзи, беше прашан што мисли за изјавата на Чави.
„За нас е важно да играме фудбал. Мислам дека, искрено кажано, има тимови кои се навикнати да играат попладне повеќе отколку навечер, но постои календар кој бара да играте во различни периоди и секогаш треба да бидете подготвен“, изјави Анчелоти.
