Актуелниот европски првак Реал Мадрид рутински го победи Челзи, кој се уште е во криза, во првиот четвртфинален натпревар од Лигата на шампионите пред своите навивачи. Лондонскиот клуб не може да најде стабилност кај новите сопственици, кои по само неколку месеци го отпуштија Греам Потер и на негово место го зазеде Френк Лампард, кој треба да ја има улогата на привремено решение.
Лампард со три порази го започна вториот мандат на клупата на Челзи и се наоѓа на 11. место во првенството, а во Лигата на шампионите има исклучително тешка задача на денешниот реванш меч на „Стенфорд Бриџ“ против „кралскиот“ клуб.
„Ќе дадеме се од себе, сакаме да одиме понатаму. Секој натпревар е можност за победа, сите натпревари кои не очекуваат треба да бидат големи за нас поради ситуацијата во која се наоѓаме. Сакаме да се докажеме индивидуално и колективно. Без разлика на денешниот резултат ќе биде многу важно да продолжиме да работиме до крај“, рече Лампард во најавата за натпреварот.
Легендата на Англија се надева на помош од трибините.
“Во фудбалот, приказната може да се промени многу брзо. Има некои работи што им ги кажав на играчите, но ќе ги задржам внатре во куќата.
Воопшто не се сомневам дека атмосферата ќе биде позитивна, наше е да играме со желба и знаење да ја свртиме оваа игра. Премногу пати сум бил на овој стадион на вечерта во Лигата на шампионите за да не знам дека атмосферата ќе биде одлична. Наше е уште повеќе да ја активираме публиката, која може да ни помогне“.
Реванш мечот меѓу Челзи и Реал Мадрид е закажан со почеток во 21 часот.
