Откако вчера Ахмад Магомедов освои бронзен медал за Македонија на Европското првенство во борење за сениори кое се одржува во Загреб, Хрватска, денеска Македонија има нова шанса за медал.
Расул Шапиев во категоријата до 74 килограми доби шанса за „поправен“, откако вчера беше поразен во првата борба со Словакот Салказанов. Имено, поради тоа што противникот обезбеди финале, Шапиев успеа да се протне во репасажот каде што ќе се сретне со Храјар Алиханјан од Ерменија.
Ако победи, нашиот борач го очекува директен дуел за бронзениот медал со грузискиот борач Автандил Кенчадѕе.
