Кошаркарите на Њујорк Никс на домашен терен го победија Кливленд со 102:93 и сега водат со 3-1 во серијата од првото коло на плеј-офот на Источната конференција. Во вжештената атмосфера во „Медисон Сквер Гарден“, Никси го прекршија мечот во последната четвртина, во која целосно го затворија Донован Мичел и го принудија на еден од најлошите натпревари во сезоната.
На девет минути до крајот беше изедначено, но Никс го решија натпреварот со одлична одбрана и одличната реализација на триото Берет, Бренсон и Харт.
Најдобар беше Џејлен Бренсон со 29 поени, додека Ри Џеј Барет постигна 26 поени. Кај Кливленд Дриус Гарланд беше најефикасен со 23 поени.
