Бразилскиот Коринтијанс го отпушти тренерот Фернандо Лазаро по поразот од Аргентинос Јуниорс во Копа Либертадорес. Од клубот решија за негов наследник да го назначан Кука, меѓутоа тоа наиде на негодување кај женскиот тим на Коринтијанс и женските фанови на клубот.
Причината е „грев“ од минатото на тренерот. Имено, во 1987 година Алекси Стивал – Кука бил осуден за силување на малолетничка. Потоа тој беше осуден во отсуство од швајцарскиот суд на 15 месеци затвор. Тој никогаш не ја отслужил оваа казна, бидејќи ја напуштил земјата пред да биде осуден. Кука негира дека сторил нешто лошо.
Женскиот тим протестираше пред канцелариите на клубот и излезе со соопштение:
„Да се биде во демократски клуб значи дека можеме да го користиме нашиот глас, понекогаш јавно, понекогаш зад сцената. Почитувањето на младите жени не е само фраза. Тоа е, пред сè, состојба на умот“.
Кука исто така зборуваше на ова прашање:
„Ги почитувам жените. Никогаш не ја допирав. Бев во други клубови и никогаш не ме испрашуваа. Мојата грешка беше што никогаш не се бранев. Не се бранев бидејќи немав пари и не знаев за тоа. Не планирам да се кријам дома. Невин сум и совеста ми е чиста. Тогаш не ни знаев дека има судење. За пресудата дознав една година подоцна“.
