Ете, се најде јунак да ја сопре Шкендија, да ја прекине победничката серија на тетовци, и таа да застане на шест победи во исто толку мечеви. А тој јунак е тимот на Силекс предводен од извонредниот стратег Горазд Михаилов кој, се виде на мечот, тактички маестрално одигра под Шара. Неговото тренерско го направи како што треба, а останатото го сторија неговите момци кои просто “изгинаа“ во текот на сите 90.минути. И кога се игра така, без разлика што од другата страна ја имаш силната Шкендија, тогаш секако дека ќе дојдеш до добар резултат, а тој добар резултат за Силекс е и 0:0.
Ете, затоа Горазд Михаилов според „Спортмедиа“ е тренер на 29.коло во ПМФЛ.
