Екипата на Манчестер Сити синоќа на дерби дуелот против Арсенал, ја покажа сета своја сила и на домашен терен триумфираше со 4:1. Со тоа, си ги зголеми во огромна мера шансите повторно да ја освои шампионската титула сезонава.
Менаџерот Пеп Гвардиола нормално, воодушевен од она што се случуваше на теренот имаше само пофални зборови за своите играчи по мечот.
“Знам дека следните три натпревари ќе бидат клучни. Против Фулам во сабота нема да биде лесно. Погледнете што направи Марко Силва оваа сезона, едноставно е неверојатно. Тие дојдоа од Чемпионшип, но играат брилијантно, особено на нивен стадион. Потоа ни претстојат уште два тешки натпревари со Вест Хем и Лидс. Мислам дека овие три натпревари ќе покажат дали сме способни да го направиме она што го сакаме. Арсенал има два бода повеќе, така што уште не сме шампиони. Ни претстојат многу тешки натпревари како гостувањето кај Брајтон на крајот. Да размислуваме натпревар по натпревар“, изјави Гвардиола
