По само неколку часа од одржувањето на официјалната прес конференција на која нашиот ракометен голман, Борко Ристовски заедно со својот правен тим, и се обрати на јавноста по повод суспензијата од страна на Олимпискиот комитет на Македонија и нејзиниот претседател Даниел Димевски, стигна одговорот токму од самиот Димевски.
Ристовски на пресот го изнесе својот став како по суспензијата, за која што секако смета дека е тотално нелегитимна, како и за низата неправилности во самото работење на Даниел Димевски како спортски работник како во минатото, така и на сегашната функција.
Токму затоа, Димевски најде за сходно да возврати и тоа на малку необичен начин. Со неколку реторички прашања, на кои очигледно бара одговор од самата јавност, како и од оние со кои Борко Ристовски имал контакт како на професионален така и на приватен план.
Во едно сме сигурни секако, дека оваа „пресметка“ помеѓу Борко Ристовски и Даниел Димевски како претседател на МОК туку што започна и ќе има уште многу епизоди и неизвесна завршница.
