ЛА Лејкерс се пласираше во полуфиналето на Западната конференција во НБА-лига, откако на својот терен го совладаа Мемфис со убедливи 125-85 за вкупни 4-2 во плеј-оф серијата. Во следната рунда тимот од ЛА ќе игра против подобриот од Сакраменто и Голден Стејт.
Лејкерси на тој начин станаа само шестиот тим во историјата кој како седми носител го елиминира вториот на стартот од плеј-офот, но тие не се автори на најголемата сензација сезонава, бидејќи Мајами како осми носител на Истокот го елиминираше првопласираниот Милвоки Бакс со 4:1. Но, победата од 40 поени е веројатно најголемата досега за седми носител против втор носител.
Lakers have the largest win (40) by a 7th seed in NBA Playoff history. The next highest was 24 points by the Milwaukee Bucks.
— Lakers Daily (@LakersDailyCom) April 29, 2023
Д’Анџело Расел ги предводеше Лејкерси до победата на овој меч со 31 поен, Леброн Џејмс додаде 22, а Ентони Дејвис забележа 16 поени и 14 скока. Кај Гризлис Санти Алдама постигна 16 поени, а Бејн поен помалку.
На втората средба, Сакраменто се избори за мајсторка против актуелниот бранител на титулата. Голден Стејт не го искористи домашниот терен, беше поразен со 99-118 за 3-3 во плеј-оф серијата. Сега мајсторка ќе го решава вториот полуфиналист во Западот.
Лидер кај Голден Стејт беше Стеф Кари со 29 поени, на другата страна Монк реализираше 28 поени, додека Фокс 26.
