Кошаркарките на Струга 2009 го добија и вториот меч против Бадел 1862, пред своја публика славеа со 79-61 и изедначија на 2-2 во полуфиналната серија. Патникот во финалето ќе биде решен со „мајсторка“, а таму чека Баскет Кам.
Стружанки одиграа уште еден одличен натпревар против актуелниот шампион до полувремето беше 39-31. Пресудна беше третата четвртина во која домаќинот дојде до позитива од 60-43, која до крајот не беше тешко да се одржи.
Американката Ли имаше дабл-дабл од 26 поени и 14 скока, Хадиса Зендели запиша 15 поени. На другата страна Марија Димитријевиќ беше стрелец на 23 поени и 7 скока.
