Фудбалерите на Динамо Загреб предводени од нашиот репрезентативен капитен Стефан Ристовски ја обезбедија својата 24. шампионска титула во Хрватска, а шеста во низа играјќи 0-0 на „Пољуд“ кај Хајдук во дербито на 32. Коло.
Динамо ја задржа предноста од 12 бода пред второпласираниот Хајдук на четири кола пред крајот, а бидејќи загрепскиот тим е подобар во меѓусебниот однос оваа сезона, јасно е дека предноста на недостижна за сплитскиот состав.
