Динамо Загреб ја завери шампионската титула во Хрватска. „Модрите“ имаа турбулентна сезона, останаа без капитенот Аријан Адеми кој направи трансфер во Кина, потоа го сменија тренерот, Анте Чачиќ замина и беше донесен Игор Бишчан кој ја доврши сезоната и ја донесе титулата.
Македонскиот интернационалец Стефан Ристовски го поствети овој трофеј на својот голем пријател Адеми и облече сина маичка со бројот 5.
„Возбуден сум. Им честитам на моите колеги и на целиот клуб на тешката сезона. Имавме многу проблеми, ни замина Адеми кој исто така е заслужен за овој трофеј. Горд сум затоа што ова е еден од моите најслатки трофеи во кариерата“, рече Ристовски.
„Во еден момент бевме преплашени, кога си замина капитенот, па се повредија неколку играчи, тоа беше многу тежок период. А моравме да победуваме, тука нема простор за неуспех. Меѓутоа издржавме и покажавме дека сме најјаки“, додаде нашиот бек.
