Вчера и завчера се одиграа сите натпревари од 30.коло во ПМФЛ. Имаше неколку интересни мечеви, но сепак дербито се одигра во Кратово каде Шкупи на крилјата на феноменалниот Фреди Алварез дојде до 0:2 и стави печат на третата позиција и пласманот во Европа.
Посебно треба да се истакне прекрасниот гол од слободен удар на фудбалскиот мајстор од Костарика, како и одличната игра во Кратово од негова страна. Токму затоа е играч на колото.
Покрај него во тимот на колото според „Спортмедиа“ се и Талески, Цаке, Чинари (Шкендија), Деспотовски, Велкоски (Работнички), Радиќ, Ибраими и Малески (Струга ТЛ), како и Омерагиќ и Тодоров (Скопје).
ИГРАЧ НА КОЛО
ФРЕДИ АЛВАРЕЗ
Тим: Шкупи
Роден: 26.04.1995 во Костарика
Кариера: Саприса, ЦС Уругвај, УЦР, Депортиво Мунисипал, ЛД Алајулиенсе, Хередиано, АДР Џиракал, Шкупи.
