Белградски Партизан во третиот натпревар од плеј-офот во Евролигата не успеа да го победи Реал и да обезбеди место на Ф4 турнирот во Каунас. „Црно-белите“ вечерва беа поразени пред рекорден број гледачи во својата сала со 82:80, па во следниот меч на свој терен ќе се обидат да дојдат до големата цел.
Ален Смајлагиќ со 15 поени беше најефикасен кај Партизан, а ист број поени имаше и ЛеДеј. Кај Реал, Тавареш постигна 26 поени, а Вилијам-Гос застана на 22 поени.
Претходно, кошаркарите на Монако го совладаа Макаби во Тел Авив со 83:78 и сега водат со 2:1 во четвртфиналната серија од плеј-офот во Евролигата, која се игра до три победи.
Макаби донесе одлични 1:1 од Монте Карло, но вечерва Монако одигра одличен меч и во ниту еден момент не им даде шанса на домашните. Мајк Џејмс го предводеше Монако со 21 поен, а Лојд постигна 15. Четвртиот натпревар се игра задутре повторно во Тел Авив.
