Јирген Клоп смета дека на Ливерпул во моментов не му е важно да размислува за место меѓу четирите најдобри, бидејќи е далеку од реалноста. Манчестер Јунајтед и Њукасл се над Ливерпул, а двата тима имаат одиграно дури и помалку натпревари од „црвените“. Затоа, изгледа тешко за Ливерпул, кој инаку победи на последните пет натпревари во Премиер лигата, дека може да престигне некој од овие ривали.
„Не чувствувам дека е реално, но и не е важно. Се работи за веројатности. Доколку Њукасл и Манчестер Јунајтед ги добијат сите преостанати натпревари, тогаш немаме никакви шанси. Ако Брајтон ги добие сите свои натпревари, тогаш и тие се пред нас. Таква е ситуацијата. Мораме да ги добиеме нашите средби, па потоа да видиме каде тоа ќе не однесе. Во моментов сме задоволни со насоката, па мораме само да продолжиме во ист ритам“, изјави Јирген Клоп по синоќешната победа од 1:0 над Фулам.
