Возачот на Ред Бул, Серхио Перез беше најдобар во квалификациите за Големата награда на Мајами. Мексиканецот имаше најдобро време 1:27.713 и ќе стартува од првото место на главната трка во недела.
Втор ќе тргне Фернандо Алонсо од Астон Мартин, а од третото место Карлос Сајнц од Ферари. Петорката ја заокружуваат Кевин Магнусен од Хаас и Пјер Галси од Алпин.
Црвеното знаме поради излетувањето на Шарл Леклер предизвика Макс Верстапен да не може да го извози последниот круг и да заврши деветти. Луис Хамилтон ќе стартува од 13-тото место.
