Се чини дека нема кој да го запре Манчестер Сити во походот кон новата титула во Премиерлигата. Попладнево во меч од 35.коло, “граѓаните“ со 2:1 го победи Лидс и сега се на +4 пред Арсенал, и двете екипи имаат по 34 одиграни мечеви.
Чудо, Халанд играше, но не даде гол, затоа тука беше Гундоган кој со два гола донесе победа, но промаши и пенал, па така нема хет-трик за капитенот на Сити.
Во 27.минута веќе беше 2:0 за Сити, а Лидс намали во 85.минута преку Родриго, откако една минута порано Гундоган не реализираше пенал.
Конечно Челзи победи. И тоа на гости, и тоа кај Борнмут со 1:3. Галагер, Бадиашил и Феликс стрелаа за Челзи, додека Вина погоди за домашниот состав.
Вулверхемптон со голот на Тоти ја победи Астон Вила, а Тотенхем славеше исто така со 1:0 и тоа против Кристал Палас со голот на Кејн.
