Екипата на Реал Мадрид е освојувач на Купот на кралот откако во финалето одиграно во Севиља ја совладаа Осасуна со 2:1. Со тоа „Кралевите“ го обезбедија 20-тата трофеј во Купот, а прв по сезоната 2013/14. За тренерот Карло Анчелоти тоа е 10-ти трофеј во Шпанија, a втор во Купот на кралот.
Мечот тргна со гол на Родриго уште во втората минута. Винисиус направи одличен пробив по левата страна, а Родриго со гол ја заврши акцијата. Во 58. Минута Осасуна успеа да изедначи. Играчот за врска Лукас Торо го совлада Куртоа со „торпедо“ во долниот лев агол.
Сепак, радоста на Осасуна кратко траеше. Повторно Родриго ги спушти на земја. Акцијата ја почна Винисиус кој нафрли по земја пред голот, фудбалерите на Осасуна расчистија за момент, меѓутоа одбиената топка Родриго ја смести во мрежата.
Осасуна не успеа да стигне до првиот трофеј во Купот на кралот во своето второ финале. Првото го играа во сезоната 2004/05 и тогаш загубија од Бетис.
ПРВИОТ ГОЛ НА РОДРИГО НА ОВОЈ ЛИНК
ГОЛОТ НА ЛУКАС ТОРО НА ОВОЈ ЛИНК
ВТОРИОТ ГОЛ НА РОДРИГО НА ОВОЈ ЛИНК
