Фудбалерите на Манчестер Сити го совладаа Лидс (2:1) и со тоа направија уште три чекори кон нова титула во Премиер-лигата, но Пеп Гвардиола сепак најде причина да биде лут. Шпанскиот тренер беше бесен на првата ѕвезда на тимот, бидејќи Ерлинг Халанд ги одби неговите инструкции и му остави на Илкај Гундоган да го изведе пеналот во самиот финиш на натпреварот.
Германскиот фудбалер со турско потекло беше двоен стрелец во првиот дел од мечот, па младиот Норвежанец сакаше да постигне хет-трик, но… Гундоган не беше прецизен, Гвардиола збесна бидејќи играчите не го слушаа него, а потоа се исплаши затоа што Родриго постигна гол неколку десетици секунди подоцна ја намали предноста на половина.
Погледнете ја реакцијата на Гвардиола, заедно со „Мораш да го изведеш пеналот“ до Халанд:
Pep to Haaland “You have to take it” 😂 pic.twitter.com/Hv4wyKhky6
— The Pep (@GuardiolaTweets) May 6, 2023
“Да го дадеше Гундоган, се ќе беше во ред. Хет-трик, одлично, да продолжиме понатаму. Но, изведувачот е изведувач. На 2:0 не е ситуација кога можеш да заборавиш кој изведува пенал, тоа не е дозволено“, рече Гвардиола и додаде: „Во Англија не е завршена играта на 2:0. Ако беше 4:0 и 10 минути до крајот, тогаш во ред. Јас сакав пеналот да го изведе играч кој го прави тоа, тоа значи Холанд или Махрез. Сепак и оваа ситуација покажува каков е Ерлинг. Сакаше да го израдува својот соиграч,покажа дека неговите соиграчи му се многу важни. Јас го почитувам потегот на Халанд, но тој сепак требаше да го изведе пеналот, бидејќи тоа е за тој специјалист“.
Сепак, промашениот удар од белата точка не влијаеше на конечниот резултат на натпреварот. Манчестер Сити стигна до победа и сега има четири бода повеќе од Арсенал на само четири натпревари до крајот на шампионатот.
