Попладнево на теренот на Фудбалската федерација на Македонија во Скопје, репрезентацијата на Македонија до 15.години во пријателски натпревар ја победи соодветната селекција на Малта. Избраниците на селекторот Драган Начевски во текот на целиот меч беа подобри, создадоа неколку шанси, а победничкиот гол беше дело на Ердин Мамути. Вториот контролен меч со Малта, нашите надежи ќе го одиграа во четврток со почеток од 14 часот.
