Двајца од најистакнатите фудбалери и имиња во бразилскиот фудбал, Ромарио и Бебето си свртеа грб. Двајцата кои беа фактор на одлука за освојувањето на светската титула во 1994 година, ги прекинаа односите од политички причини.
„Предавник. Тој беше мојот најголем партнер, но веќе не е. Ме изневери во политиката. Скокна од гранка. Има работи во животот што ги земам засекогаш во и надвор од политиката. Не се борев со Бебето. Ме изневери, Тоа е се. Ништо повеќе. За жал, тоа е така“, потврдил Ромарио, во изјава за локален подкаст.
Ромарио не објаснил што е наводното предавство на Бебето. Минатата година, поранешните бразилски интернационалци беа на спротивните страни на претседателските избори: Ромарио го поддржуваше Жаир Болсонаро, додека неговиот колега учествуваше во кампањата на Лула. Минатиот октомври, Ромарио беше реизбран за сенатор, додека Бебето не успеа да биде избран за федерален заменик.
