Со пресврт во второто полувреме екипата на Вест Хем славеше над холандски АЗ Алккмар со 2:1 во првиот полуфинален дуел од Конференциската лига на УЕФА. Вечерва во Лондон гостите одлично го отворија мечот и со еден прекрасен гол на Рајндерс во 41. минута успеаја да поведат со 1:0.
Вест Хем ја искористи паузата на полувремето да се соземе и брзо во вториот дел да се врати со пресврт. Најпрво Бенрама од пенал во 67. минута израмни на 1:1, а со голот на Антонио во 76. минута домашните направија целосен пресврт и со предност ќе патуваат на реваншот.
GOAL | West Ham 2-1 AZ | Michail Antoniopic.twitter.com/eXTzDUJq9d
— VAR Tático (@vartatico) May 11, 2023
Во вториот полуфинален дуел, пак, гостите од Швајцарија приредија пресврт во второто полувреме. Фиорентина со голот на Кабрал успеа на пауза да замине со предност од 1:0 и кога се чинеше дека „виолетовите“ можат лесно да го решат мечот во своја полза следуваше нокаут.
Најпрво Диуф во 71. минута израмни на 1:1, а во судиското продолжение Зеки погоди за шокантни 1:2 и голема предност на Базел на реваншот кој ќе го игра дома.
GOAL | Fiorentina 1-2 Basel | Zeki Amdounipic.twitter.com/Fef8lWQ4OA
— VAR Tático (@vartatico) May 11, 2023
