Екипата на Тетекс ТТК во наредната сезона повторно ќе биде дел од второлигашката конкурнеција.
Експресно, по само една сезона, тетовци се изборија за статусот кој го имаа со години наназад, откако во полуфиналето од баражот за пополнување на двете места кои водат во Втората лига, беа подобри од составот на Феникс баскет од Скопје. На последната средба славеа со 80-64 за конечни 2-0.
Домаќините ја имаа контролата над играта и над резултатот во целиот тек на средбата која ја играа пред своја публика. Во првиот период се стркна со позитива од четири поени (24:20), која до полувремето ја удвоија на (41:32).
Во вториот дел целосно го урнаа отпорот на противникот, за мирен финиш.
Капитенот Ѓорчевски со 27 поени го предводеше Тетекс, Вапски реализираше 16 поени, Михајлоски имаше 14. Во гостинската екипа, Стојковиќ реализираше 19 поени, Димевски 15.
Со кој ќе игра во големото финале за шампионскиот трофеј, тетовци ќе дознат по одигрувањето на „мајсторката“ помеѓу екипите на Мега баскет и на Маџари ГБ која следува во сабота, од 19. часот, во Прилеп.
