Познато е дека во јуни, значи за неколку денови, на капитенот на Шкендија и наш репрезентативец Егзон Бејтулаи му истекува договорот со тетовските “црвено – црни“. Еден од клучните играчи на Шкендија кој пред неколку недели го забележа и јубилејниот 300-ти настап за тимот од Тетово, секако дека е еден од главните “шрафови“ во составот па јасно е дека Шкендија има намера да го задржи и натаму.
Па така раководството на клубот на Бејтулаи му доставило понуда за нов договор, со цел тој и натаму да биде во „црвено – црниот“ дрес. Оваа вест за “Спортмедиа“ ја потврди Харун Иса, спортскиот директор на Шкендија и напомена дека сега самиот фудбалер е на потег. Тој има време да се изјасни дали ќе ја прифати понудата или пак својата кариера ќе ја продолжи надвор од Македонија.
Нешто слично се случува и со Љупче Дориев, и тој е слободен во јуни, но и тој има понуда од Шкендија за нов договор.
Од она што е познато, по завршување на сезоната договорите со Шкендија им истекуваат и на Ардијан Цуцули и Мевљан Мурати. Сите останати се “врзани“ со договори.
