Годинешното издание на еден од најстарите традиционални одбојкарски турнири кај нас, Меморијалот „Бранко Хаџииљовски – Чајка“ ќе се одржи од 18 до 20 август и ќе биде генерална проба за македонската машка одбојкарска репрезентација пред настапот на Европското првенство во Скопје кое почнува на 30 август.
Организаторите на турнирот, семејството Хаџииљовски и Одбојакрската федерација на Македонија полека ги договорија учесниците на годинешното издание. Потврдено е доаѓањето на силните репрезентации на Израел и Грција, а во комбинација се уште неколку репрезентации.
Планот е на турнирот да настапат четири репрезентации, меѓу кои, секако, и Македонија.
ОФМ пред новото издание на турнирот „Чајка“ е во преговори со репрезентацијата на Романија која исто така треба да дојде во Скопје на пријателски (најверојатно две) средби со нашата репрезентација.
