Екипата на Баскет Кам е новиот првак во женска конкуренција, откако го совлада Бадел 1862 со 68-59 за 3-0 во финалната серија. Кошаркарките од Македонска Каменица заслужено се радуваа на втората титула во својата историја.
Во првиот дел Бадел 1862 беше далеку подобар противник, на одморот водеше со 33-20, но не успеа да го задржи ова водство. Баскет Кам чекор по чекор ја анулираа негативата и тоа благодарение на Тасевска која постигна пет тројки, односно 22 поени и сосема заслужено беше прогласена за МВП. Во последната четвртина гостинскиот тим дојде до позитива од 49-59, доволна за триумф.
Кај Бадел, Метју имаше исто така 22 поени, но тоа не беше доволно за нешто повеќе.