Манчестер Сити е во еуфорија. Сите во клубот, после онаа рапсодија синоќа против Реал Мадрид веруваат дека на 10 јуни во Истанбул, во финалето во Лигата на Шампионите против Интер ќе слават и дека за првпат во својата клупска историја ќе го подигнат најдрагоцениот пехар во клупскиот фудбал.
Тие што не го симпатизираат Сити велат дека тој клуб е најдобар само поради парите што Арапите од ОАЕ ги “фрлаат“ во клубот.
На ова свој коментар има спортскиот директор на клубот, Феран Соријано:
“Парите не се причината поради која ние сме најдобри. Ако разговараме за парите треба да се види какви се вложувањата во играчкиот кадар во Англија во псоледните неколку години. И ќе видите дека ние не сме клуб кој потрошил најмногу пари на засилувања. Постојат неколку клубови кои повеќе инвестирале во играчи од нас, а тоа се Челзи, Манчестер Јунајтед, Арсенал….Па така приказните дека трошиме најмногу пари и дека само поради парите освојуваме трофеи едноставно не се точни“ изјави Соријано.
