Кошаркарите на Реал Мадрид ја совладаа Барселона со 78:66 и се пласираа во финалето на Евролигата. На финалниот турнир во Каунас, вечерва во „Ел Класико“ полуфиналето, „кралскиот“ клуб уште еднаш го покажа шампионскиот менталитет и предводен од Валтер Таварес со поддршка на Серхио Родригез ја совлада фаворизираната Барселона.
Најдобар играч на натпреварот беше Валтер Таварес со 22 поени, а покрај него одлична партија одигра и Серхио Родригез, кој постигна 12 поени, од кои девет во првиот дел од мечот, додека Марио Хезоња имаше уште два поени повеќе.
Никола Миротиќ вечерва целосно потфрли и мечот го заврши со само три бода. Алекс Абринес беше најефикасен кај Барса со 16 поени.
Реал во мечот за трофејот ќе игра против Олимпијакос.
