Во последната четвртина од втората средба од финалето на Западната конференција на НБА лигата меѓу кошаркарите Денвер и Лос Анџелес Лејкерс полесно се повреди Леброн Џејмс.
Џејмс згазна на ногата на Арон Гордон и го повреди скочниот зглоб. Тој го одигра натпреварот до крајот, но прашање беше дали нешто ќе му се случи на Џејмс кога ќе се олади повреденото место.
“Ништо не може да ме спречи да настапам во третиот натпревар. Ќе бидам целосно подготвен. Сигурно не може да ме спречи мала повреда”, јасно изјави Џејмс, кој во вториот меч, но и вториот пораз од неговите ЛА Лејкерс, запиша 22 поени, десет асистенции и девет скока.
По натпреварот, глуждот на Џејмс беше завиткан во крпа.
Третиот натпревар, чиј домаќин е Лос Анџелес, се игра ноќта од сабота кон недела по средноевропско време.
