Екипата на Струмица откако не го одигра минатиот дуел со Чаир во рамките на плеј-аут делот во Првата лига, денеска на дуелот со ФМП Академија ќе настапи со само 6 кошаркари. Во Скопје дојдоа тројца странски и тројца домашни кошаркари од ростерот на тимот.
Струмичани од поодамна се испаднати од лигата и следната сезона ќе мора да се преселат во понизок ранг на натпреварување, па ќе се обидат да ја спасат честа на клубот и чесно да ја завршат сезоната.
Дуелот со ФМП Академија од 5. коло е претпоследен за нив сезонава, по што за два дена треба да одиграат и натпревар со екипата на Куманово, која исто така испадна од Првата лига.
