Навивачите на Севиља ќе го бојкотираат натпреварот против Реал Мадрид. Причина е укинувањето на црвениот картон кој Винисиус Жуниор го доби на натпреварот против Валенсија.
Крилниот напаѓач на Реал Мадрид го удри со тупаница во лицето напаѓачот Уго Дуро, кој претходно му го притискаше грлото одзади. Главниот судија Рикардо Бенгочеа, откако го погледна видеото, му покажа црвен картон на Бразилецот, поништувајќи го првично прикажаниот жолт. Дуро остана на теренот.
Црвениот картон на Винисиус подоцна беше поништен, бидејќи ВАР судијата не му ја покажа целата случка на главниот судија.
Во знак на протест против оваа одлука, навивачите на Севиља нема да бидат на натпреварот против Реал Мадрид.
