Борусија (Д) објави дека Хумелс избрал да го продолжи договорот со клубот до летото 2024 година.
„Многу сум среќен што Матс Хумелс ќе остане во Борусија Дортмунд уште една година. Тој во голема мера се поистоветува со нашиот клуб. Борусија и Матс едноставно припаѓаат заедно“, вели директорот Ханс-Јоаким Ватцке.
34-годишниот Хумелс може да испише историја ако Дортмунд заврши како шампион на крајот на Бундеслигата. Ова би била трета титула за Хумелс како играч на Борусија (Д), што претходно го постигнале само уште петмина играчи: Хелмут „Џокел“ Брахт, Вилхелм Бургсмилер, Ларс Рикен, Штефан Ројтер и Себастијан Кел.
