Кристијано Роналдо со прекрасен гол му донесе победа на Ал Наср во 28. коло од шампионатот на Саудиска Арабија. Ал Наср беше домаќин на Ал Шабаб и го совлада со 3:2 иако губеше со 2:0.
“Среќен сум затоа што одигравме фантастичен натпревар. Кога губиш со 2:0 не е лесно, но верувавме до крајот. Дадовме три гола, честитки до целиот тим и навивачите кои беа одлични. Според мене, саудиската лига се подобрува. Следната сезона ќе биде уште подобра. Чекор по чекор оваа лига ќе биде меѓу првите пет лиги во светот. Но, треба време, играчи и инфраструктура. Оваа земја има одлични луѓе и огромен потенцијал, Лигата ќе биде одлична“, изјави Роналдо по натпреварот.
Ал Наср моментално е втор во првенствената табела, со три бода помалку од лидерот Ал Итихад. До крајот на Саудиската лига остануваат уште две кола, па Роналдо и неговите соиграчи мораат да бидат перфектни, а истовремемено да се надеваат на кикс на директниот противник за титулата.
