Германски Фуксе Берлин е освојувач на трофејот во второто по ранг европско клупско натпреварување, ЕХФ Европската лига. Во финалето на Ф4 турнирот германскиот тим славеше со 36:31 (16:12) против Грањолерс.
Само во првите 20 минути Каталонците, кои веќе ги победија германските состави Фленсбург и Гепинген, успеаја да им парираат на ракометарите од Берлин, но во финишот на првиот и комплетниот втор дел на мечот се беше во знакот на Фуксе.
За Фуксе Берлин ова е прв трофеј од ЕХФ Европската лига, а трет во клупската историја од второто по ранг ЕХФ натпреварување. Интересно, дури девет од десетте досегашни изданија на ова натпреварување ги освојуваа германски екипи.
