Карим Бензема со години е првата ѕвезда на Реал Мадрид и најдобриот играч на овој тим, а многумина се сигурни дека тој ќе го продолжи договорот со кралскиот клуб и ќе остане на стадионот „Сантијаго Бернабеу“. Сепак, денеска од Шпанија пристигнуваат информации кои шокираа многумина, а тоа е дека е можно Французинот да го напушти Реал на лето.
Бензема оваа сезона и покажа дека иако веќе има 35 години, сепак може да игра на највисоко ниво.
Бензема со години е главен играч на кралскиот клуб, а на „Сантијаго Бернабеу“ пристигна во летото 2009 година од Лион за 35 милиони евра, што секако е еден од најдобрите трансфери што ги направи “кралскиот“ тим.
Шпанските медиуми пишуваат дека Бензема на маса има астрономска понуда од Саудиска Арабија и дека е многу заинтересиран, иако се веруваше дека неговиот договор со Реал е веќе готова работа и дека тој дефинитивно останува.
Сепак, се појавија информации дека и Реал Мадрид се сомнева дека Бензема преговара со други клубови и дека на лето може да ги напушти кралевите, што секако би било непростливо предавство од негова страна.
Неофицијално Бензема од Саудиска Арабија има понуда од цели 200 милиони евра за двегодишен договор. Исто така, тој би добил значително олеснување кога станува збор за данокот, но и правата за фотографирање, кои се се поголем проблем во Шпанија.
🚨🌕| JUST IN: Real Madrid suspect that Karim Benzema is valuing a Saudi offer & thinking about LEAVING the club.
Offer from Saudi Arabia — €200m for two seasons + image rights, advertising, creation of schools for children. @relevo 🇫🇷 pic.twitter.com/AzvvUUMRM6
— Madrid Zone (@theMadridZone) May 29, 2023
Клубот е многу вознемирен од сите овие шпекулации и сомнежи дека навистина нешто се случува околу Бензема и јасно е дека ќе мора да го решат тоа што е можно поскоро и конечно да објават дали Французинот останува или го напушта Реал Мадрид.
Бензема одигра 647 натпревари во дресот на овој клуб, постигна 353 гола и додаде 165 асистенции. Со кралевите освои се што можеше, а дали е време за нов предизвик останува да видиме.
