Бразилскиот квалификант, Тиаго Сејбот Вајлд приреди големо изненадување денеска на продолжението од натпреварите од првото коло на Ролан Гарос. Тој во мечот од првото коло го победи со 3-2 во сетови рускиот тенисер Данил Медведев, моментно втор светски рекет.
Сејбот Вајлд, моментално е рангиран на 172-то место во светот, но тоа не му посмета да приреди вистинска сензација елиминирајќи еден од најголемите фаворити на турнирот. Бразилецот славеше со 7-6(5), 6-7(6), 2-6, 6-3, 6-4.
Иако Медведев никогаш во кариерата не се чувствувал удобно на земјена подлога, овој резултат е големо изненадување, особено што во најавата на Ролан Гарос, Медведев го освои АТП Мастерс турнирот во Рим.
