Ракометниот клуб Охрид, инаку член на Суперлигата, предмалку и официјално потврди дека има нов член во својот клуб. А тоа грузискиот репрезентативен лев бек Теимураз Орјоникидзе (27), висок 197 см. Тој доаѓа од Финска, од тимот на Кок.
Инаку ова за Грузиецот е враќање во Македонија, тој претходно настапуваше за Е. Пелистер и Прилеп.
„Пресреќен сум што се враќам во Македонија, ова е земја на ракометот и задоволство ми е што ќе играм тука. Охрид има одличен тим и проект и чест ќе ми е да сум дел од него! Се надевам следната сезона ќе ни биде успешна и заедно со нашите фанови ќе славиме многу победи!” – изјави Теимураз.
