Кристијано Роналдо потврди дека ќе остане во Ал Наср и следната сезона.
Напаѓачот дојде во тимот од Саудиска Арабија во јануари оваа година, но откако клубот не успеа да ја освои титулата во домашното првенство се појавија шпекулации за заминување на Португалецот.
„Мислам дека лигата е многу добра, но имаме уште многу простор да растеме. Мислам дека оваа лига е добра, конкурентна. Имаме многу добри тимови, имаме многу добри арапски играчи. Сепак, мислам дека треба малку да се подобри инфраструктурата. Дури и судиите, ВАР системот… Треба да бидат малку побрзи, неколку ситници на кои треба да се поработи. Јас сум среќен овде, сакам да останам овде и ќе останам овде“, вели Роналдо.
